Koi dhundhla sa ik chehra meri ankhon me rehta hai
koi bhatka sa ik jugno mere khawabon me rehta hai
Ik manoos c awaz mujhe sonay nahi daiti
koi uljha sa ik jumla meri yadon me rehta hai
hy kis k shabnami anchal ki khusbo ab talak mujh me
koi ahsas mehka sa meri sanso me rehta hai
Mujhe khod par nahi qabo na main kuch bol sakta hon
asar ye kis k lafzon ka meri baton me rehta hai
december ki khunak raten mujhe bechain rakhti hen
lams ik hath ka ab tak meri sochon me rehta hai
Hai dil b muztarib ahsas bhi sochon ki uljhan bhi
yeh kis ki ankh ka anso meri ankhon me rehta hai
No comments:
Post a Comment