Tujh se tere kochey se agar door huey hen
dewanay tere aur bhi mashoor huey hen
Tum apni jafa'on ki isey jeet na samjho
hum ishq k adab se majboor huey hen
Chaho to hamen aj bhi sooli py charha do
kuch log to har dour me mansoor huey hen
Kanto ki murawat ny kabhi sath na chora
pholon ki mulaqat se ranjoor huey hen
Her sang-e-mulamat se mulaqat hui hy
hum jab se tere shehar me mashoor huey hen
Lou shama-e-mohabbat ki Raees or barha do
ewan-e-wafa suntey hen benoor huey hen
No comments:
Post a Comment