Be faiz rafaqat me samar kis k liey tha
Jab dhop thi qismat to shjar kis k liey tha
Pardes me sona tha to chat kis liey dali
Bahir he nikalna tha to ghar kis k liey tha
Jis khak se phota hy usi khak ki khusbo
Pehchan na paya to hunar kis k liey tha
Aye madar-e-geti teri hairat bhi baja hy
Tere he kam na aya to sar kis k liey tha
Youn sham ki dahshat me sar-e-dashat irada
Rukna tha to phir sara safar kis k liey tha
No comments:
Post a Comment