Aisa ho sakta hy na?
k main ny jan lia ho
tujhe teri zaat ki gehrai tak
tere mahal se ly kar tanhai tak
aisa ho sakta hy na?
k main ny bohat karb saha ho
tere sitam se ly kar
teri masehai tak
Aur aisa bhi to ho sakta hy na?
k tujhe koi dukh na ho
mere milnay se ly kar
meri judai tak
han yaqeen kro
aisa ho sakta hy shyd
k umar bhar k liey kafi ho
yeh dukh k main ne safar kiya
apni zaat se ly kar
teri zaat ki rasaai tak...!
No comments:
Post a Comment