Sad Ghazal "Yad Rakhy Ge Dunya"

Mutma'en hon k yad rakhy ge dunya
jab bhi is shehar ki tareekh-e-wafa likhy ge
Mere ghar k dar-o-devar mujhe sochain gay
wosat-e-dashat mujhe aabla paa likhy ge
Mera matam isi chup chap fiza me ho ga
mera noha inhi galion ki hawa likhy ge

Love Ghazal "Aisa Ho Sakta Hy Na?"

Aisa ho sakta hy na?
k main ny jan lia ho
tujhe teri zaat ki gehrai tak
tere mahal se ly kar tanhai tak
aisa ho sakta hy na?
k main ny bohat karb saha ho
tere sitam se ly kar
teri masehai tak
Aur aisa bhi to ho sakta hy na?
k tujhe koi dukh na ho
mere milnay se ly kar
meri judai tak
han yaqeen kro
aisa ho sakta hy shyd
k umar bhar k liey kafi ho
yeh dukh k main ne safar kiya
apni zaat se ly kar
teri zaat ki rasaai tak...!

Sad Ghazal by Shaheen Kazmi "Nahin Maloom Tha Hum Ko"

Nahi malom tha hum ko

Ulfat ki zameno par

Wafa k goshwaron me

Khasara jo bhi ho ga wo

Hamaray naam ho ga

Love Ghazal For Girlfriend "Abhi Is Taraf Na Nigah Kar"

Abhi is taraf na nigah kar Main ghazal ki palkain sanwar lon

   Mera lafaz lafaz ho aaina tujhe aainey me utar lon

   Main tamam din ka thaka hua tu tamam shab ka jaga hua

   Zara tehar ja isi mor par tere sath sham guzar lon

   Agar asman ki numaishon me mujhe bhi azan qiyam ho

   to main motioun ki dukan se teri balian tere haar lon

   Kahen or bant dy sohratain kahen or bakash dy izatain

   Mere pas hy mera aaina main kabhi na gard-o-gubar lon

   Kai ajnabi teri rah me mere pas se youn guzar gaey

   Jinhen dekh kar yeh tarap hui tera naam ly k pukar lon

Sad Urdu Ghazal "Tujhse Tere Kochey Se Agar Door Huey Hen"

Tujh se tere kochey se agar door huey hen

    dewanay tere aur bhi mashoor huey hen

Tum apni jafa'on ki isey jeet na samjho

hum ishq k adab se majboor huey hen

Chaho to hamen aj bhi sooli py charha do

kuch log to har dour me mansoor huey hen

Kanto ki murawat ny kabhi sath na chora

pholon ki mulaqat se ranjoor huey hen

Her sang-e-mulamat se mulaqat hui hy

hum jab se tere shehar me mashoor huey hen

Lou shama-e-mohabbat ki Raees or barha do

ewan-e-wafa suntey hen benoor huey hen

Sad Poetry by "Parveen Shahkir" Be Faiz Rafaqat Mein Samar Kis K Liey Tha

Be faiz rafaqat me samar kis k liey tha

Jab dhop thi qismat to shjar kis k liey tha

Pardes me sona tha to chat kis liey dali

Bahir he nikalna tha to ghar kis k liey tha

Jis khak se phota hy usi khak ki khusbo

Pehchan na paya to hunar kis k liey tha

Aye madar-e-geti teri hairat bhi baja hy

Tere he kam na aya to sar kis k liey tha

Youn sham ki dahshat me sar-e-dashat irada

Rukna tha to phir sara safar kis k liey tha

Sad Ghazal by Noshi Gilani

Tere harf-o-lab ka talism tha, meri aab-o-tab me reh gaya
Woh kisi gulab ka jism tha, jo meri kitab me reh gaya

Main kahan sarapa-e-naz thi, mujhe yad hy shab-e-tairge

Yeh kisi k lams ka mojaza, jo mere shabab me reh gaya

Meri bat bat me roshni, mere harf harf me dilkashi

Tu mere sharek-e-visal-e-jan, meri har kitab me reh gaya

Dil-e-khush guman teri khair ho, tu hy phir yaqeen ki saleeb per

Tujhe phir kisi se shikayatain, tu isi azab me reh gaya

Tujhe kia mila dil-e-mubtala, na koi dua na kahen wafa

Magar aik arsa-e-raigan, jo tere hisab me reh gaya

Tha ajeeb alam-e-bedili, tha kahen taqaza-e-dilbari

Woh zara sa pas-e-juno kahen, shab-e-mehtab me reh gaya

Woh jo mera ehad-e-jamal tha, woh jo mera shehar-e-khayal tha

Magar us ka zikar-e-kamal bhi, kahen harf-e-khawab me reh gaya

Sad Ghazal "Mere Be Khawab Se Kehna"

Mere be-khawab se kehna!
K us ne meri ankhon me
Yeh kesa hijar likha hy
K main b so nahi paati
Meri ankhon me dukh sehra
sulagtey hen
Magar main ro nahi paati
Main apne bakhat ka likha
Laho se dho nahi pati

Love Ghazal "Mujhe Koi Sham Udhar Do"

Tumhen jab milein kabhi fursatain mere dil se bojh utar do
Main bohat dino se udas hon mujhe koi sham udhar do

Mujhe apne roop ki dhop do k chamak saken mere khad-o-khal
Mujhe apne rang me rang do mere sary rang utar do

Kisi aur ko mere haal se na gharaz hy koi na koi wasta
Main bikhar gaya hon simait do main bigar gaya hon sanwar do

Meri wehshaton ko barha dia hy judaion k azab ne
Mere dil py hath rakho zara meri dharkano ko qarar do

Tumhen subha kesi lagi meri khawahishon k diyar ki
Jo bhali lagi to yahen raho isy chahaton se sanwar do

Wahan ghar me kon hy muntazir k fikar ho dair sawair ki
Bari mukhtasar c yeh rat hy isy chandani me guzar do

Love Ghazal "Woh Payar Karta To"

Main qadren sab luta deti, woh aitbar karta to
Han main sab luta deti, gar woh payar karta to

Udasi mujhe uski qat'an ganwara na thi
Main ho jati ghayal, gar woh waar karta to

Main chun chun k phool barsati us par
Per mere naam koiwoh bahar karta to

Ana py chot sehna dushwar to hai
Main har jati agar woh takrar karta to

Sary Jhagrey Ana K Hoty Hen

Qurb k na wafa k hoty hen
Sary jhagrey ana k hoty hen

Bat niyat ki hy sirf warna
Waqt sary dua k hoty hen

Bhool jaty hen mat bura kehna
Log putley khata k hoty hen

Woh jo bazahir kuch nahi lagty
Un se rishty bala k hoty hen

Woh hamara hy is trah se Faiz
Jaise bandy khuda k hoty hen