Misal-e-Barg main khod ko urana chahati hon
Hawa-e-tund py maskan bnana chahati hon
Woh jin ki ankhon me hota hy zindagi me malal
Usi qabelay se khod ko milana chahati hon
Jahan k band hen sadion se mujh py darwazay
Main aik bar usi ghar me jana chahati hon
Sitam shuar ki chokhat py adal ki zanjeer
Bra-e-Dadrasi ab hilana chahati hon
Na janay kesay guzaron ge hijar ki sa'at
Ghari ko tor k sab bhool jana chahati hon
Musafton ko mili manzil-e-talab "Naina"
Wafa ki rah me apna tihkana chahati hon
No comments:
Post a Comment